Laerskool Brentwoodpark, wat reeds in 1926 in ‘n sentrale Oos-Randse ligging
gestig is, is ‘n skool met ‘n indrukwekkende geskiedenis.
Brenties is in ‘n redelik landelike omgewing geleë met meestal leerders vanuit
omliggende areas, en ook baie leerders wat uit ‘n stadsomgewing kom. Die skool is tans ‘n suiwer Afrikaansmedium skool. Die skool bied onderrig vanaf Gr. Pre-R tot Gr. 7, wat deur noue samewerking tussen die skoolpersoneel en ‘n aktiewe verkose Beheerliggaam bestuur word.
Die skool se sentrale ligging, bied ‘n 10km omvangsgebied tussen die woonbuurte Goedeburg, Atlasville, Impala Park, Northvilla, Northmead, Farrarmere, Alphen Park, Bardene, Bartlett, Beyerspark, Lakeside, Pomona, Bredell, Norton Home Estates, Benoni, Rynfield en Bonaero Park. Brentwoodpark is geleë in die nabyheid van Oliver Tambo Lughawe en ‘n voorstad van Benoni.
Laerskool Brentwoodpark het sterk Christelike norme en waardes, wat gedurende elke leerder se opvoeding en onderrig by die skool ‘n prioriteit is. Die omvattende ontwikkeling van kinders, wat gesonde sport- en kultuur- ontwikkeling insluit, word ook as baie belangrik beskou. Laerskool Brentwoodpark leef sy leuse, wat bekend staan as “Die skool wat omgee” op ‘n daaglikse wyse ten volle uit, en die skoolgemeenskap dra die belange van die skool na aan die hart.
Vanuit 'n akademiese, uitnemendheid perspektief, bied Brenties se omvattende opleidings-kapasiteit die ideale oplossing vir langtermyn opvoedkundige doeleindes aan. Voorskoolse opvoeding begin in Gr. Pre-R, op vier jarige ouderdom, tot Gr. 7, en leerders kan daarna een van verskeie hoërskole in die woonbuurt bywoon. Die laerskool het drie Gr. Pre R- en drie Gr. R klasse met ‘n gemiddeld van 20 leerders per klas.
By Brenties word leerders bewus gemaak van die noodsaaklikheid in sosiale uitreiking, deur die skool se gereelde deelname in plaaslike behoeftige sake. Hoewel die skool ‘n jaarlikse “Omgeeweek” gedurende Augustusmaand hou, ervaar leerders uitreiking aan behoeftiges uit verskillende vlakke van die gemeenskap op 'n gereelde basis. Spesiale projekte sluit in die skool se uitreiking na die bejaarde inwoners van twee aftree-oorde in die omgewing. Verder reik Laerskool Brentwoodpark deurlopend uit na die plaaslike kinderhuise, wat van Brenties se leerders huisves.
BRENTIES, 99 JAAR GESPAAR!
Iemand het eendag gesê: “As mens iets in die lewe bereik het, wees dankbaar vir die verlede”. Laerskool Brentwoodpark is in April 1926 gestig, in ‘n ontspanningsaal met twee personeellede!
Eers sewe jaar daarna, in 1933, is ‘n sogenaamde “nuwe skool” opgerig, met sink en ‘n paar ou asbesklasse. Uit die vroeë geskiedenis van die skool kan afgelei word dat hierdie gemeenskap moeilike tye beleef het. Ons lees in die joernale van ‘n oueropstand a.g.v. swak akkommodasie, van onooglike sinkgeboue en onhigiëniese toestande!
Na ‘n lang stryd, is die huidige skool se hoeksteen in 1955 gelê. Sedertdien het die skool gegroei en ontwikkel en van krag tot krag gegaan. Die skoolgemeenskap van Brentwoodpark het deur die jare baie hard gewerk om ons skool te kry waar dit vandag is. Dit is omskep in ‘n veilige opvoedkundige omgewing met fasiliteite wat voldoen aan die vereistes vir deeglike onderrig en opvoeding.
So, as ons dan na al die wonderlike prestasies van die afgelope jare kyk, vra ons ons dan die vraag af : “Het ons iets bereik? Die antwoord spreek vanself! Ons handhaaf onsself in alle opsigte en is ‘n skool om mee rekening te hou.
Dankbaar vir die verlede? Beslis : JA! Ons is dankbaar vir manne en vroue, ons voorgangers, van die verlede wat diep spore in ons skool se geskiedenis getrap het en wat in die voortbestaan van ons skool geglo het. Tydens ons feesvieringe, bring ons dan ook hulde aan hulle.
Maar bowe-al dank ons ons Hemelse Vader vir die seën en groot genade wat ons deur al die jare ontvang het.
gestig is, is ‘n skool met ‘n indrukwekkende geskiedenis.
Brenties is in ‘n redelik landelike omgewing geleë met meestal leerders vanuit
omliggende areas, en ook baie leerders wat uit ‘n stadsomgewing kom. Die skool is tans ‘n suiwer Afrikaansmedium skool. Die skool bied onderrig vanaf Gr. Pre-R tot Gr. 7, wat deur noue samewerking tussen die skoolpersoneel en ‘n aktiewe verkose Beheerliggaam bestuur word.
Die skool se sentrale ligging, bied ‘n 10km omvangsgebied tussen die woonbuurte Goedeburg, Atlasville, Impala Park, Northvilla, Northmead, Farrarmere, Alphen Park, Bardene, Bartlett, Beyerspark, Lakeside, Pomona, Bredell, Norton Home Estates, Benoni, Rynfield en Bonaero Park. Brentwoodpark is geleë in die nabyheid van Oliver Tambo Lughawe en ‘n voorstad van Benoni.
Laerskool Brentwoodpark het sterk Christelike norme en waardes, wat gedurende elke leerder se opvoeding en onderrig by die skool ‘n prioriteit is. Die omvattende ontwikkeling van kinders, wat gesonde sport- en kultuur- ontwikkeling insluit, word ook as baie belangrik beskou. Laerskool Brentwoodpark leef sy leuse, wat bekend staan as “Die skool wat omgee” op ‘n daaglikse wyse ten volle uit, en die skoolgemeenskap dra die belange van die skool na aan die hart.
Vanuit 'n akademiese, uitnemendheid perspektief, bied Brenties se omvattende opleidings-kapasiteit die ideale oplossing vir langtermyn opvoedkundige doeleindes aan. Voorskoolse opvoeding begin in Gr. Pre-R, op vier jarige ouderdom, tot Gr. 7, en leerders kan daarna een van verskeie hoërskole in die woonbuurt bywoon. Die laerskool het drie Gr. Pre R- en drie Gr. R klasse met ‘n gemiddeld van 20 leerders per klas.
By Brenties word leerders bewus gemaak van die noodsaaklikheid in sosiale uitreiking, deur die skool se gereelde deelname in plaaslike behoeftige sake. Hoewel die skool ‘n jaarlikse “Omgeeweek” gedurende Augustusmaand hou, ervaar leerders uitreiking aan behoeftiges uit verskillende vlakke van die gemeenskap op 'n gereelde basis. Spesiale projekte sluit in die skool se uitreiking na die bejaarde inwoners van twee aftree-oorde in die omgewing. Verder reik Laerskool Brentwoodpark deurlopend uit na die plaaslike kinderhuise, wat van Brenties se leerders huisves.
BRENTIES, 99 JAAR GESPAAR!
Iemand het eendag gesê: “As mens iets in die lewe bereik het, wees dankbaar vir die verlede”. Laerskool Brentwoodpark is in April 1926 gestig, in ‘n ontspanningsaal met twee personeellede!
Eers sewe jaar daarna, in 1933, is ‘n sogenaamde “nuwe skool” opgerig, met sink en ‘n paar ou asbesklasse. Uit die vroeë geskiedenis van die skool kan afgelei word dat hierdie gemeenskap moeilike tye beleef het. Ons lees in die joernale van ‘n oueropstand a.g.v. swak akkommodasie, van onooglike sinkgeboue en onhigiëniese toestande!
Na ‘n lang stryd, is die huidige skool se hoeksteen in 1955 gelê. Sedertdien het die skool gegroei en ontwikkel en van krag tot krag gegaan. Die skoolgemeenskap van Brentwoodpark het deur die jare baie hard gewerk om ons skool te kry waar dit vandag is. Dit is omskep in ‘n veilige opvoedkundige omgewing met fasiliteite wat voldoen aan die vereistes vir deeglike onderrig en opvoeding.
So, as ons dan na al die wonderlike prestasies van die afgelope jare kyk, vra ons ons dan die vraag af : “Het ons iets bereik? Die antwoord spreek vanself! Ons handhaaf onsself in alle opsigte en is ‘n skool om mee rekening te hou.
Dankbaar vir die verlede? Beslis : JA! Ons is dankbaar vir manne en vroue, ons voorgangers, van die verlede wat diep spore in ons skool se geskiedenis getrap het en wat in die voortbestaan van ons skool geglo het. Tydens ons feesvieringe, bring ons dan ook hulde aan hulle.
Maar bowe-al dank ons ons Hemelse Vader vir die seën en groot genade wat ons deur al die jare ontvang het.
